„Mjög skemmtilegur leikur af okkar hálfu, gekk vel og við náðum að spila vel þegar leið á leikinn," sagði Áslaug Munda Gunnlaugsdóttir, leikmaður Breiðabliks, eftir 9-0 sigur gegn Fylki í kvöld.

Munda skoraði tvö mörk og lagði upp eitt mark. Hún spilaði á hægri kanti í leiknum í dag.

Lestu um leikinn: Breiðablik 9 -  0 Fylkir

„Við ætluðum að setja alvöru hörku í leikinn, byrja mótið almennilega og sýna hvað í okkur býr og við náðum að gera það. Ég er búin að bíða eftir þessum leik lengi lengi. Staðan á mér er mjög góð og er klár í mótið."

Hvernig líður þér á kantinum?

„Mér líður mög vel á kantinum, ég er sóknarmaður að upplagi og fór bara aftar þegar Steini setti mig aftar. Ég get leyst báðar stöður. Ég veit ekki hvort ég verði áfram á kantinum, það er Villa að velja. Ég er til í allt."

Markmið Mundu er að haldast heil en hvað finnst henni um að Breiðabliki sé spáð 2. sæti í deildinni?

„Persónulega finnst mér fínt að okkur sé spáð 2. sæti, þá er minni pressa á okkur. Við ætlum að sýna að fyrsta sætið er okkar," sagði Munda að lokum.

Viðtalið í heild má sjá í spilaranum að ofan.

STUÐNINGSSVEIT
FÓTBOLTA.NET

Tryggjum framtíð Fótbolta.net

Fótbolti.net er eini stóri fjölmiðillinn á Íslandi sem nýtur ekki ríkisstyrkja.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit