Baulað á Chelsea sem er 0-2 undir gegn varaliði Forest

Nottingham Forest er í fallbaráttu en er samt að stórum hluta með varalið í þessum leik þar sem leikurinn kemur milli leikja gegn Aston Villa í undanúrslitum Evrópudeildarinnar.

Þrátt fyrir það var Forest búið að skora tvisvar eftir stundarfjórðungs leik. Taiwo Awoniyi sem er að spila sinn 100. leik fyrir Forest skoraði með skalla á 2. mínútu og Igor Jesus tvöfaldaði forystuna út vítaspyrnu eftir galið peysutog Malo Gusto innan teigs.

Undir lok fyrri hálfleiks fékk Chelsea vítaspyrnu eftir að hinn 18 ára gamli Jesse Derry fékk þungt höfuðhögg og var borinn af velli á börum. Atvik sem leit hrikalega út.

Cole Palmer fór á vítapunktinn en Matz Sels varði. Þetta var aðeins önnur vítaspyrnan sem fer forgörðum hjá Palmer í deildinni, í 20 tilraunum, en í fyrsta sinn sem Sels ver víti í deildinni.

Chelsea 0 - 2 Nott. Forest (hálfleikur)
0-1 Taiwo Awoniyi ('2 )
0-2 Igor Jesus ('15 , víti)
0-2 Cole Palmer ('45 , Misnotað víti)