Elías Rafn og félagar töpuðu stigum í titilbaráttunni
Tómas Bent Magnússon og hans menn í Hearts færast nær skoska meistaratitlinum eftir að liðið vann 2-1 endurkomusigur á Rangers í kvöld.
Eyjamaðurinn var að vísu ekki með Hearts vegna kinnbeinsbrots en áætlað er að hann verði frá út tímabilið.
Liðsfélagar hans eru því staðráðnir í að klára tímabilið með stæl fyrir Tómas, en Hearts lenti marki undir gegn Rangers og kom síðan til baka í síðari hálfleik til að loka leiknum.
Nú er titilbaráttan orðin að tveggja hesta veðhlaupi því Hearts er á toppnum með 76 stig, sjö stigum meira en Rangers þegar þrjár umerðir eru eftir. Celtic er í öðru með 73 stig.
Hearts og Celtic mætast einmitt í lokaumferðinni þann 16. maí, en fyrst mun Hearts mæta Motherwell og Falkirk.
Elías Rafn Ólafsson og félagar í Midtjylland gætu hafa kastað danska meistaratitlinum frá sér í kvöld er liðið gerði 3-3 jafntefli við Viborg.
Midtjylland kom tvisvar til baka gegn Viborg og komst síðan yfir á 80. mínútu en Viborg bjargaði stigi á lokamínútunum og skemmdi í leiðinni fyrir Midtjylland sem er tveimur stigum frá toppnum þegar tvær umferðir eru eftir.
Elías lék allan leikinn í marki Midtjylland sem á eftir að spila við Nordsjælland og Bröndby. Topplið AGF á eftir að mæta Bröndby og Viborg.
