Benedikt Daríus setur boltann yfir Marvin í markinu
Benedikt er kominn með tvö í Lengjudeildinni
Fylkir 2 - 0 Vestri
1-0 Benedikt Daríus Garðarsson ('48 )
2-0 Kári Sigfússon ('58 )
Lestu um leikinn
1-0 Benedikt Daríus Garðarsson ('48 )
2-0 Kári Sigfússon ('58 )
Lestu um leikinn
Fylkismenn eru í góðu formi og komnir með tvo sigra af tveimur mögulegum eftir að hafa lagt bikarmeistara Vestra að velli, 2-0, á tekkVellinum í kvöld.
Fylkir var sterkari aðilinn í fyrri hálfleiknum og líklegra til að skora en Vestri fékk líka sín færi.
Imran Mehanovic, leikmaður Vestra, fór meiddur af velli á 22. mínútu og kom Sergine Fall inn í staðinn. Samkvæmt lýsingu Fótbolta.net var Mehanovic sendur með sjúkrabíl á spítala vegna hnémeiðsla.
Staðan í hálfleik var markalaus en Fylkir náði að ganga frá leiknum á fyrstu þrettán mínútum síðari hálfleiks. Kári Sigfússon sendi Benedikt Daríus Garðarsson í gegn sem síðan vippaði yfir Marvin Darra Steinarsson sem kom út úr markinu.
Hrikalega svekkjandi fyrir Vestra sem hafði stuttu áður komist í dauðafæri sem Chris-Albin Mörfelt klúðraði.
Kári tvöfaldaði forystuna tíu mínútum síðar. Skot fór í varnarmann og út á Kára sem setti boltann í vinstra hornið. Mark og stoðsending hjá Kára í dag.
Bjarki Steinsen og Benedikt Daríus voru báðir nálægt að bæta við. Benedikt skaut rétt framhjá og þá átti Bjarki fyrirgjöf sem fór í slá og út.
Fylkismenn sigldu þessu örugglega heim og unnu annan sigur sinn í röð. Þeir eru á toppnum með fullt hús en Vestri með eitt stig.
Lengjudeild karla
| Lið | L | U | J | T | Mörk | mun | Stig |
|---|---|---|---|---|---|---|---|
| 1. Fylkir | 2 | 2 | 0 | 0 | 5 - 0 | +5 | 6 |
| 2. HK | 2 | 2 | 0 | 0 | 6 - 2 | +4 | 6 |
| 3. Þróttur R. | 2 | 2 | 0 | 0 | 5 - 1 | +4 | 6 |
| 4. Leiknir R. | 2 | 1 | 1 | 0 | 3 - 2 | +1 | 4 |
| 5. ÍR | 2 | 1 | 0 | 1 | 8 - 7 | +1 | 3 |
| 6. Grindavík | 2 | 0 | 2 | 0 | 1 - 1 | 0 | 2 |
| 7. Völsungur | 2 | 0 | 2 | 0 | 1 - 1 | 0 | 2 |
| 8. Vestri | 2 | 0 | 1 | 1 | 1 - 3 | -2 | 1 |
| 9. Njarðvík | 2 | 0 | 1 | 1 | 0 - 2 | -2 | 1 |
| 10. Afturelding | 2 | 0 | 1 | 1 | 4 - 7 | -3 | 1 |
| 11. Grótta | 2 | 0 | 0 | 2 | 2 - 6 | -4 | 0 |
| 12. Ægir | 2 | 0 | 0 | 2 | 1 - 5 | -4 | 0 |
