Kobbie Mainoo skoraði sigurmark Manchester United í 3-2 leik gegn Liverpool um helgina í ensku úrvalsdeildinni. Troy Deeney sérfræðingur BBC er búinn að velja lið umferðarinnar.
Markvörður: Matz Sels (Nottingham Forest) - Varði vítaspyrnu á mikilvægum tímapunkti gegn Chelsea. Forest vann 3-1 sigur og fór langt með að tryggja sér áframhaldandi veru í deild þeirra bestu.
Varnarmaður: Vitalii Mykolenko (Everton) - Var með Antoine Semenyo í vasanum í 3-3 jafnteflinu gegn Manchester City.
Varnarmaður: Micky van de Ven (Tottenham) - Lykilmaður og leiðtogi í vörn Tottenham sem vann nauðsynlegan sigur gegn Aston Villa.
Varnarmaður: Marcos Senesi (Bournemouth) - Öflugur í sigri gegn Palace og hefur verið öflugur allt tímabilið.
Miðjumaður: Kobbie Mainoo (Manchester United) - Algjörlega magnaður í leiknum gegn Liverpool og skoraði sigurmarkið.
Miðjumaður: Dominik Szoboszlai (Liverpool) - Mark og stoðsending í tapinu gegn Man Utd.
Miðjumaður: Conor Gallagher (Tottenham) - Skoraði gríðarlega mikilvægt mark í sigrinum gegn Villa.
Miðjumaður: Mathys Tel (Tottenham) - Hefur stigið upp og fyrirgjöfin hans í marki Richarlison var glæsileg.
Miðjumaður: Jeremy Doku (Manchester City) - Tvö frábær mörk og þar af jöfnunarmarkið með síðustu spyrnu leiksins. Mark sem gæti reynst gulls ígildi?
Sóknarmaður: Viktor Gyökeres (Arsenal) - Tvö mörk og stoðsending gegn Fulham. Arsenal er í bílstjórasætinu.
Sóknarmaður: Taiwo Awoniyi (Nottingham Forest) - Nýtti tækifærið verulega vel og skoraði tvö gegn Chelsea.
Stjórinn: Vitor Pereira (Nottingham Forest) - Gerði átta breytingar á byrjunarliðinu og vann Chelsea.
