Van Dijk: Óásættanlegt tímabil sem má ekki endurtaka sig

Virgil van Dijk varnarmaður Liverpool segir að tímabilið hafi verið óásættanlegt hjá liðinu. Liverpool tapaði gegn Manchester United í gær og hefur tapað átján leikjum í öllum keppnum á tímabilinu.

„Ég er ekki hér til að vera með afsakanir. Þetta tímabil hefur verið vonbrigði, það hefur verið óásættanlegt og erfitt. Við getum ekki vorkennt sjálfum okkur, við þurfum að leggja á okkur vinnu og snúa þessu við. Sjá til þess að þetta gerist ekki aftur á næsta tímabili," segir Hollendingurinn.