Garðar Bergmann Gunnlaugsson skrifaði í gærkvöldi undir samning við Kára. Garðar, sem er 37 ára, var á mála hjá Val á síðustu leiktíð og kom við sögu í fjórum leikjum með liðinu. Þeir komu allir snemma sumars og undir lok tímabils lagði Garðar skóna á hilluna.
Garðar hefur alls skorað 101 mark í 239 mótsleikjum fyrir íslensk félagslið. Hann lék lengst af með ÍA en hefur í þrígang skipt yfir í Val. Kári verður hans þriðja félag á Íslandi.
Garðar hefur alls skorað 101 mark í 239 mótsleikjum fyrir íslensk félagslið. Hann lék lengst af með ÍA en hefur í þrígang skipt yfir í Val. Kári verður hans þriðja félag á Íslandi.
Fótbolti.net heyrði í Garðari í gærkvöldi og hann var þá spurður út í æfingaleikinn í fyrradag og stöðuna á sjálfum sér.
Það viðtal má lesa með því að smella hér.
Kári leikur í 2. deild í sumar en fyrsti leikur liðsins er gegn KV á útivelli á laugardag í 1. umferð Mjólkurbikarsins.
Athugasemdir