Kristófer í leik með Haukum árið 2019.
Viktor Jónsson sér um samfélagsmiðla Hauka.
Kristófer Jónsson er uppalinn hjá Haukum og er sem stendur án félags eftir að hafa verið í þrjú ár hjá ítalska félaginu Triestina.
Kristófer fylgist mjög vel með Haukum og hafa bræður hans verið í stórum hlutverkum. Haukar eru sem stendur í toppsæti 2. deildar og hafa unnið fimm leiki í röð.
Kristófer fylgist mjög vel með Haukum og hafa bræður hans verið í stórum hlutverkum. Haukar eru sem stendur í toppsæti 2. deildar og hafa unnið fimm leiki í röð.
„Ég fylgist sérstaklega vel með hjá Haukum þar sem ég er uppalinn," sagði Kristófer við Fótbolta.net. Hann var í ítarlegu viðtali sem birt var í gær.
„Eldri bróðir minn (Ísak) hefur verið lykilmaður og fyrirliði í liðinu í mörg ár og mjög spennandi tímar framundan á Ásvöllum með komu Gauja Lýðs. Hann kemur auðvitað inn með gríðarlega reynslu og mikið Haukahjarta. Svo fær hann með sér fleiri reynslubolta í bæði þjálfarateymið og liðið sjálft sem verður ógeðslega gaman að fylgjast með í sumar."
„Maður finnur það að það er mikil stemning yfir Haukunum og gaman að sjá hversu öflugir og vinsælir þeir eru inni á samfélagsmiðlunum, en yngri bróðir minn Viktor sér um þá."
„Hann hefur heldur betur keyrt upp alla þessa stemningu með geggjuðum vídeóum og efni inni á bæði Instagrammi og Youtube síðum Hauka. Mæli með að allir skoði það þar sem þetta er klárlega eitt besta fótbolta samfélagsmiðlaefnið á landinu leyfi ég mér að segja," sagði Kristófer.
2. deild karla
| Lið | L | U | J | T | Mörk | mun | Stig |
|---|---|---|---|---|---|---|---|
| 1. Haukar | 5 | 4 | 0 | 1 | 17 - 6 | +11 | 12 |
| 2. Kári | 5 | 3 | 1 | 1 | 16 - 7 | +9 | 10 |
| 3. Fjölnir | 5 | 3 | 0 | 2 | 15 - 10 | +5 | 9 |
| 4. Selfoss | 5 | 2 | 2 | 1 | 10 - 9 | +1 | 8 |
| 5. Kormákur/Hvöt | 5 | 2 | 1 | 2 | 8 - 5 | +3 | 7 |
| 6. Hvíti riddarinn | 5 | 1 | 4 | 0 | 7 - 5 | +2 | 7 |
| 7. Þróttur V. | 5 | 2 | 1 | 2 | 6 - 7 | -1 | 7 |
| 8. KFA | 5 | 2 | 0 | 3 | 12 - 11 | +1 | 6 |
| 9. KFG | 5 | 2 | 0 | 3 | 9 - 15 | -6 | 6 |
| 10. Víkingur Ó. | 5 | 1 | 1 | 3 | 7 - 14 | -7 | 4 |
| 11. Dalvík/Reynir | 5 | 1 | 1 | 3 | 5 - 12 | -7 | 4 |
| 12. Magni | 5 | 1 | 1 | 3 | 5 - 16 | -11 | 4 |
