Úrvalslið umferða 1-11 í Pepsi-deildinni

Íslandsmeistarar Vals tróna á toppi deildarinnar en þeir hafa verið á hörkuskriði að undanförnu. Þeir eiga tvo leikmenn í úrvalsliðinu; það eru miðvörðurinn Eiður Aron Sigurbjörnsson og danski sóknarmaðurinn Patrick Pedersen.

Stjarnan, sem er í öðru sæti, á einnig tvo fulltrúa. Baldur Sigurðsson hefur verið drjúgur á miðsvæðinu og Hilmar Árni Halldórsson hefur verið besti leikmaður deildarinnar. Hann er kominn með 12 mörk.

Grindvíkingar hafa verið öflugir og eiga tvo í liðinu; markvörðinn Kristijan Jajalo og svo sveitastjórasoninn Gunnar Þorsteinsson sem er fyrirliði liðsins.

Breiðablik á þrjá leikmenn og það er ekki óvænt að tveir þeirra séu varnarmenn. Bakvörðurinn Jonathan Hendrickx hefur komið öflugur inn og Damir Muminovic hefur verið einn besti miðvörður deildarinnar undanfarin ár. Þá er hinn hæfileikaríki Gísli Eyjólfsson í liðinu.

Almarr Ormarsson hefur verið besti leikmaður Fjölnis en hann hefur í fjórgang verið valinn í úrvalslið umferðarinnar hér á Fótbolta.net. Þá á FH sinn fulltrúa, Steven Lennon sem er næst markahæstur í deildinni.

ÚRVALSLIÐ UMFERÐA 1-11:
Kristijan Jajalo - Grindavík

Jonathan Hendrickx - Breiðablik
Eiður Aron Sigurbjörnsson - Valur
Damir Muminovic - Breiðablik
Gunnar Þorsteinsson - Grindavík

Baldur Sigurðsson - Stjarnan
Gísli Eyjólfsson - Breiðablik
Almarr Ormarsson - Fjölnir

Hilmar Árni Halldórsson - Stjarnan
Patrick Pedersen - Valur
Steven Lennon - FH

BEKKUR
Gunnleifur Gunnleifsson - Breiðablik
Björn Berg Bryde - Grindavík
Bjarni Ólafur Eiríksson - Valur
Pálmi Rafn Pálmason - KR
Brandur Olsen - FH
Kaj Leo í Bartalsstovu - ÍBV
Guðjón Baldvinsson - Stjarnan