Malen, Maguire, Rashford, Greenwood, Yoro, Eriksen og fleiri góðir í slúðri dagsins
banner
   lau 04. júlí 2020 23:00
Guðmundur Aðalsteinn Ásgeirsson
Átti jöfnunarmark HK að standa?
Ásgeir Börkur Ásgeirsson.
Ásgeir Börkur Ásgeirsson.
Mynd: Fótbolti.net - Hafliði Breiðfjörð
Grótta fékk sitt fyrsta stig í Pepsi Max-deildinni eftir rosalegan leik gegn HK á Seltjarnarnesi í dag.

Staðan var 2-1 í hléi fyrir heimamenn en Arnþór Ari Atlason jafnaði metin snemma í seinni hálfleik. Undir lok fyrri hálfleiks hafði Patrik Orri Pétursson fengið að líta rauða spjaldið hjá Gróttu.

Ástbjörn Þórðarson og Karl Friðleifur Gunarsson skoruðu næstu mörk leiksins fyrir Gróttu áður en Arnþór Ari skoraði aftur. Það var svo varamaðurinn Ari Sigurpálsson sem jafnaði metin á 83. mínútu. Jafntefli staðreynd á Nesinu.

Mark Ara hefði þó líklega ekki átt að standa þar sem Ásgeir Börkur Ásgeirsson virtist taka á móti boltanum í aðdragandanum með höndinni.

Þorkell Máni Pétursson var staðfastur á því í Pepsi Max tilþrifunum á Stöð 2 Sport að um hendi væri að ræða og Gróttumenn voru ekki sáttir. „Jesús minn. Þetta mark átti ekki að standa," sagði Ríkharð Óskar Guðnason um markið í beinni útsendingu á Stöð 2 Sport.

Mörkin úr leiknum má sjá hér að neðan en þar sést aðdragandinn að fjórða marki HK ekki.



Athugasemdir
banner
banner
banner