banner
   fim 04. ágúst 2022 10:05
Elvar Geir Magnússon
Eigandi Chelsea: Vorum að kaupa einn mest spennandi unga leikmann Evrópu
Carney Chukwuemeka.
Carney Chukwuemeka.
Mynd: Chelsea
Mynd: Getty Images
Chelsea kynnti í morgun enska unglingalandsliðsmanninn Carney Chukwuemeka formlega sem leikmann félagsins. Á þriðjudag var greint frá því að Chelsea hefði samið við Aston Villa um kaupverðið.

Samkvæmt enskum fjölmiðlum greiðir Chelsea um 20 milljónir punda fyrir miðjumanninn sem skrifaði undir samning til 2028.

Chukwuemeka er 18 ára gamall og varð Evrópumeistari með U19 landslið Englands fyrr á þessu ári. Hann á þrettán leiki að baki fyrir aðallið Aston Villa.

„Carney er einn mest spennandi ungi leikmaður Evrópu svo við erum mjög spennt að sjá hann í eldlínunni á Stamford Bridge. Það er gleðiefni að hafa fengið hann til Chelsea og fá svona hæfileikaríkan einstakling í hópinn fyrir komandi tímabil og komandi ár," segir Todd Boehly, stjórnaformaður Chelsea.


Athugasemdir
banner
banner
banner
banner
banner