Svona gekk spáin í Lengjudeildinni - Grótta og Vestri lengst frá spánni

Fótbolti.net birti spá sína fyrir Lengjudeildina fyrir mót.

Keppni í deildinni lauk í síðasta mánuði og niðurstaðan á toppi og botni er nákvæmlega sú sama og spáð var. Fylkir vann deildina og HK fylgir upp í Bestu deildina á meðan KV og Þróttur Vogum féllu.

Þegar spáin er skoðuð er ljóst að Grótta kom mest á óvart á jákvæðan hátt, liðið endaði í þriðja sæti eftir að hafa verið spáð því níunda. Á hinn bóginn kom Vestri mest á óvart á neikvæðan hátt. Liðið endaði í tíunda sæti en var spáð fjórða.