Tvær helgar sem breyttu Þrótti - „Ætla að anda þessari tilfinningu að mér"

Það er óhætt að kalla þetta draumasumar í Laugardalnum. Þróttur Reykjavík vann sinn fyrsta stóra fótboltatitil þegar kvennaliðið varð bikarmeistari og skömmu síðar tryggði karlaliðið sér sæti í Bestu deildinni eftir tíu ára fjarveru.

Á bak við þessar tvær stóru stundir liggja þó mörg ár af markvissri uppbyggingu, trú á eigin stefnu og sterkri samheldni innan félagsins. Fótbolti.net ræddi við Kristján Kristjánsson, formann fótboltadeildar Þróttar, um uppbygginguna sem liggur að baki velgengninni og Halldór Gylfason, leikara og mikinn Þróttara, um tilfinninguna sem þarf að venjast.