Landsliðskonan María Catharina Ólafsdóttir Gros spilaði sinn fyrsta A-landsleik þegar hún kom inn fyrir Sædísi Heiðarsdóttur á 78. mínútu gegn ríkjandi heimsmeisturum Spánar.
Hvernig var tilfinningin að koma inn á völlinn og gegn heimsmeisturunum?
„Ég var mjög spennt en alveg smá stressuð auðvitað, langaði að gera vel og svona en það var sérstaklega gaman að fá að spila á móti heimsmeisturunum.“
Hafðu hún það á tilfinningunni að hún kæmi inn á?
„Nei, ég vissi það ekki en auðvitað alltaf tilbúin og bara smá stress. Alltaf gott að hafa smá stress.“'
„Varnarleikurinn var mjög góður og svo klárlega getum við byggt á aðeins í sóknarleiknum en við sáum alveg að við gátum spilað ef við róum okkur aðeins niður.“
Hvernig hafa stelpurnar tekið á móti þér?
„Bara mjög vel, ég hélt að það myndi verða erfiðara að koma inn í hópinn en þær eru allar bara mjög yndislegar.“
María Catharina var að mála hjá Linköping og var meðal annars valinn nýliði ársins hjá félaginu. Hún skoraði sjö mörk og lagði upp þrjú í 26 leikjum. Það er því ekki að undra að Djurgården sá sér leik á borði þegar Linköping féll og krækti í Maríu. Hún skrifaði því nýverið undir þriggja ára samning við Djurgården.
Hvernig er lífið í Svíþjóð?
„Það er bara frábært, ég var að flytja núna til Stokkhólms og líður bara mjög vel í Stokkhólmi.“
„Já mér finnst deildin í Svíþjóð mun líkari íslensku deildinni, meira svona fysikal í Hollandi og kannski meira svona taktískt og svona. Þannig ég lærði mjög mikið í Hollandi og tók það með mér til Svíþjóðar.
Viðtalið í heild má finna í spilaranum hér að ofan
