„Þetta var svekkjandi jafntefli, við missum tvö stig, hefðum getað fengið þrjú," sagði Bryndís Rut Haraldsdóttir fyrirliði Tindastóls eftir 1 - 1 jafntefli við Þrótt í fyrstu umferð Pepsi Max-deildar kvenna í dag en Þróttur jafnaði metin í lokin.

Lestu um leikinn: Tindastóll 1 -  1 Þróttur R.

„Við fögnum samt þessu fyrsta stigi, þetta er fyrsta stig í Pepsi og það er ekkert annað hægt en að taka því með gleði," hélt hún áfram.

„Varnarleikurinn var góður hjá okkur, en markið sem þær skoruðu komu úr föstu leikatriði, það gerist. Heilt yfir vörðumst við vel en sóknarlega vantaði smá uppá, en við skoruðum líka úr föstu leikatriði sem var mjög gott. Það vantaði smá ró á bolta, við hefðum geta verið rólegri og reynt að ná meira spili sem við getum gert og vitum það."

Næsti leikur Tindastóls er gegn Fylki. „Við ætlum að undirbúa okkur fyrir þann leik og gefa allt í hvern einasta leik," sagði Bryndís að lokum.

Tweet

Senda a Facebook Hafdu samband Senda frétt Prenta frétt Frétta leit