Fotbolti.net
05.07.15 - 13:40
Arnar Geir Halldórsson

Roberto Carlos tekur við Delhi Dynamos (Staðfest)

Roberto Carlos kominn til Indlands

Roberto Carlos kominn til Indlands

Canon

Mynd: Getty Images

Brasilíska goðsögnin, Roberto Carlos, mun þjálfa lið Delhi Dynamos í indversku ofurdeildinni á komandi leiktíð sem hefst þann 3.október næsktomandi.
Eins og við sögðum frá í gær mun Nicolas Anelka verða spilandi þjálfari Mumbai City og nú hefur Roberto Carlos bæst í stjörnum prýddan þjálfarahóp deildarinnar.

Meðal annara þjálfara má nefna Zico, Marco Materazzi og David Platt en átta lið leika í indversku ofurdeildinni.

Þjálfaraferill Roberto Carlos hefur verið skrautlegur en hans fyrsta þjálfarastarf var þegar hann tók tímabundið við Anzhi Makhachkala í Rússlandi.

Hann færði sig svo yfir í tyrkneska boltann þar sem hann hefur starfað í rúm tvö ár en hugðist taka við katarska liðinu Al-Arabi á dögunum. Þær viðræður strönduðu á síðustu stundu og verður Carlos því í Indlandi út þetta ár hið minnsta.

Roberto Carlos lék 125 landsleiki fyrir Brasilíu á ferli sínum og er af mörgum talinn besti vinstri bakvörður sögunnar.
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.