Fotbolti.net
05.07.15 - 11:45
Arnar Geir Halldórsson

Rulli verður áfram hjá Real Sociedad (Staðfest)

Rulli í leik gegn Barcelona á síðustu leiktíð

Rulli í leik gegn Barcelona á síðustu leiktíð

Canon

Mynd: Getty Images

Real Sociedad hefur náð samkomulagi við Deportivo Maldonado um að framlengja lánssamning við Geronimo Rulli um eitt ár.
Rulli varði mark Sociedad á síðustu leiktíð og vakti athygli fyrir góða frammistöðu. Í kjölfarið hefur Valencia reynt að ná samkomulagi við Deportivo Maldonado en nú hefur það verið staðfest að hann verður áfram í herbúðum Sociedad.

Á heimasíðu Sociedad er sagt frá því að hann muni ferðast með liðinu til Austurríkis á morgun þar sem liðið mun verða við æfingar næstu daga.

Rulli er 23 ára Argentínumaður en hann er í eigu úrúgvæska B-deildarliðsins Deportivo Maldonado.

Eins og flestir vita leikur Alfreð Finnbogason með Sociedad en framtíð hans er í óvissu þessa dagana þar sem hann hefur verið orðaður við önnur lið.



Heimild: Real Sociedad

Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.