Malen, Maguire, Rashford, Greenwood, Yoro, Eriksen og fleiri góðir í slúðri dagsins
banner
   þri 05. júlí 2022 09:05
Elvar Geir Magnússon
Ekki ljóst hvort Chelsea geri formlegt tilboð í Ronaldo
Powerade
Ronaldo er helsta umfjöllunarefni ensku götublaðanna.
Ronaldo er helsta umfjöllunarefni ensku götublaðanna.
Mynd: Getty Images
Chelsea er komið vel á veg í viðræðum um Sterling.
Chelsea er komið vel á veg í viðræðum um Sterling.
Mynd: EPA
Armando Broja.
Armando Broja.
Mynd: EPA
Ronaldo, Sterling, Martínez, Memphis, Broja, Sinisterra og fleiri í slúðurpakkanum í dag. BBC tók saman það helsta úr ensku slúðurblöðunum.

Chelsea íhugar að reyna að fá Cristiano Ronaldo (37) frá Manchester United en leikmaðurinn hefur tilkynnt United að hann vilji fara annað í sumar. (Ahletic)

Ronaldo gæti verið klár í að fara til Chelsea en félagið á enn eftir að ákveða hvort það geri formlegt tilboð í portúgalska landsliðsmanninn. (ESPN)

Joan Laporta, forseti Barcelona, og umboðsmaðurinn Jorge Mendes eru einnig að ræða um möguleika á því að Ronaldo snúi aftur í La Liga. (AS)

Ronaldo er til í að taka á sig umtalsverða launalækkun frá þeim 500 þúsund pundum sem hann er með á viku hjá Manchester United. (Independent)

Viðræður Chelsea við Manchester City um Raheem Sterling (27) eru komnar vel á veg en hann er metinn á um 50 milljónir punda af Englandsmeisturunum. (Sky Sports)

AC Milan vinnur að því að fá marokkóska vængmanninn Hakim Ziyech (29) lánaðan frá Chelsea. (Athletic)

Forráðamenn Manchester United hittu kollega sína hjá Ajax um helgina til að ræða möguleg kaup á argentínska landsliðsvarnarmanninum Lisandro Martínez (24) en Rauðu djöflarnir bjóða 39,6 milljónir punda. (Mirror)

Tottenham hefur sent fyrirspurn til Barcelona varðandi hollenska landsliðsmanninn Memphis Depay (28) sem getur yfirgefið Nývang fyrir 17 milljónir punda. (Sport)

Tottenham er að nálgast lánssamning við Barcelona um franska varnarmanninn Clement Lenglet (27). (Fabrizio Romano)

Spænski miðvörðurinn Pau Torres (25) er enn á óskalista Tottenham þrátt fyrir að Lenglet sé á leiðinni. (Mirror)

West Ham mun líklega skáka Everton í baráttunni um Jesse Lingard (29) sem er fáanlegur á frjálsri sölu. (Mail)

Steven Bergwijn (24), sóknarleikmaður Tottenham, hafnaði tilboðum frá Everton og Manchester United því hann vill frekar fara til Ajax. (De Telegraaf)

Everton og West Ham hafa bæði áhuga á albanska landsliðssóknarmanninum Armando Broja (20) hjá Chelsea. Han er metinn á 30 milljónir punda. (Mail)

Newcastle hefur áhuga á franska landsliðsvængmanninum Moussa Diaby (22) hjá Bayer Leverkusen. (Sky Sports)

Leeds United er í viðræðum um kólumbíska vængmanninn Luis Sinisterra (23) hjá Feyenoord. (Express)

Leeds er einnig að ganga frá kaupum á bandaríska landsliðsmanninum Tyler Adams (23) frá RB Leipzig til að fylla skarð Kalvin Phillips sem gekk í raðir Macnchester City. (ESPN)

Leeds er í viðræðum við Club Brugge um belgíska framherjann Charles de Ketelaere (21). (Mail)

Brighton vill fá argentínska vinstri bakvörðinn Nicolas Tagliafico (29) sem er fáanlegur frá Ajax á aðeins 3,3 milljónir punda. (Sussex Live)

Nottingham Forest hefur samþykkt 13 milljóna punda kaup á franska varnarmanninum Moussa Niakhate (26) frá Mainz. Upphæðin gæti hækkað eftir ákveðnum ákvæðum. (Mail)

West Ham gerði 20 milljóna punda tilboð í belgíska landsliðsmiðjumanninn Amadou Onana (20) sem Lille hafnaði. (Athletic)

Crystal Palace, Southampton og Nottingham Forest hafa öll áhuga á enska miðjumanninum Morgan Gibbs-White (22) hjá Úlfunum. (TalkSport)
Athugasemdir
banner
banner
banner
banner