Verður Ivan Toney áfram hjá Brentford?

Brentford vilja alls ekki missa enska landsliðsmanninn en þeir meta hann á rúmar 100 milljónir punda sem fá lið eru tilbúin að borga til þess að fá hann.

Ivan Toney á eitt ár eftir af samningum sínum og það gæti mögulega leitt lið til þess að bíða þangað til eftir tímabil. Þá geta liðin fengið hann á frjálsri sölu í stað þess að borga 100 milljónir núna.

‚Ivan er leikmaður Brentford og þannig hugsa ég um Ivan. Ef hann heldur áfram hér hjá Brentford verð ég himinlifandi.‘ sagði Thomas Frank , stjóri Brentford, um Ivan Toney á dögunum.

Toney kom til Brentford frá Peterborough í september árið 2020. Þá var hann að spila í C deildinni og var með meira en mark í öðrum hvorum leik í öllum keppnum.

Hjá Brentford hefur hann spilað 141 leik og skorað í þeim 72 mörk í öllum keppnum en hann er fyrirliði liðsins í dag. 

Það verður fróðlegt að sjá hvað bæði Toney en líka liðin sem eru á eftir honum gera fyrst hann á eitt ár eftir af samningnum sínum.

Í dag snéri hann til baka á æfingarsvæðið eftir Evrópumótið í sumar og hitti liðsfélaga sína og starfsteymi Brentford. Menn tóku fagnandi á móti fyrirliðanum.

Good to have you back, Ivan! ?? pic.twitter.com/sGJjfiiLSf

— Brentford FC (@BrentfordFC) August 5, 2024