Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   mið 05. október 2022 14:52
Guðmundur Aðalsteinn Ásgeirsson
Jasmín Erla: Draumur að verða að veruleika
Icelandair
Jasmín Erla Ingadóttir.
Jasmín Erla Ingadóttir.
Mynd: Fótbolti.net - Hafliði Breiðfjörð
„Tilfinning er mjög góð, þetta er draumur að verða að veruleika," segir Jasmín Erla Ingadóttir, markadrottning Bestu deildarinnar, um það að að vera komin inn í A-landsliðshópinn.

Jasmín var á dögunum kölluð inn í A-landsliðið á nýjan leik eftir að Elín Metta Jensen lagði skóna á hilluna.

Jasmín Erla átti stórkostlegt sumar með Stjörnunni og endaði sem markahæsti leikmaður Bestu deildarinnar þrátt fyrir að leika oftast sem sóknarsinnaður miðjumaður.

„Við vorum góðar í sumar enda með geggjaðan hóp og flott þjálfarateymi. Þetta var alltaf markmiðið," sagði Jasmín um tímabilið hjá Stjörnunni í samtali við KSÍ TV. Stjarnan endaði í öðru sæti Bestu deildarinnar og leikur í Meistaradeildinni á næstu leiktíð.

Framundan er mikilvægur leikur hjá landsliðinu þar sem liðið leikur annað hvort við Belgíu eða Portúgal um sæti á HM. Jasmín er ánægð með að vera komin inn í hópinn og segir að það hafi verið vel tekið á móti sér.

„Þetta hefur verið mjög 'nice', stelpurnar hafa tekið vel á móti mér og þetta er mjög gaman," sagði Jasmín í viðtalinu sem má sjá hér fyrir neðan.

Sjá einnig:
Stelpurnar komnar til Portúgals - Skýrist á morgun með andstæðing


Athugasemdir
banner
banner
banner