Byrjunarlið KA og Vestra: Rasheed þreytir frumraun sína

KA-menn eru fremur góðri stöðu í neðri hlutanum en liðið er í öðru sæti með 32 stig á meðan Vestri er með 27 stig í 4. sæti.

Ef Vestri tapar leiknum í dag þá verður það ljóst að KA og ÍA munu halda sæti sínu í deild þeirra bestu.

Tvær breytingar eru gerðar á liði KA. Jonathan Rasheed kemur í markið í stað William Tönning og þá kemur Valdimar Logi Sævarsson inn fyrir Bjarna Aðalsteinsson.

Rasheed er 33 ára gamall Svíi sem gekk í raðir KA fyrir tímabilið en varð fyrir því óláni að slíta hásin áður en hann gat þreytt frumraun sína. Í dag mun hann loks spila sinn fyrsta leik.

Jón Þór Hauksson stýrir Vestra í fyrsta sinn í Bestu deildinni, en hann gerir þrjár breytingar frá 5-0 tapi liðsins gegn ÍBV í síðustu umferð. Elmar Atli Garðarsson, Johannes Selvén og Emmanuel Agyeman Duah koma inn fyrir Gunnar Jónas Hauksson, Morten Hansen og Thibang Sindile Theophilius.