Howard Webb er yfirmaður dómaramála á Englandi
Collins reif Mbeumo niður í teignum
Howard Webb, yfirmaður dómaramála á Englandi, hefur viðurkennt að Nathan Collins, fyrirliði Brentford, átti að fá að líta rauða spjaldið í 3-1 sigri liðsins á Manchester United um síðustu helgi.
Manchester United hafði samband við dómarasamband PGMOL eftir tapið gegn Brentford og leitaðist eftir svörum af hverju Collins hafi ekki fengið rauða spjaldið er hann rændi Bryan Mbeumo upplögðu dauðafæri.
United fékk vítaspyrnu en Collins fékk aðeins að líta gula spjaldið fyrir brotið.
Rétt eftir að atvikið gerðist var greint frá því að VAR hafi metið það sem svo að Mbeumo væri ekki með fullkomna stjórn á boltanum og því ekki rétt að reka Collins af velli.
Webb á að hafa viðurkennt mistök dómarateymisins í þessu atviki, en þetta hefði getað gjörbreytt leiknum fyrir United sem fékk vítaspyrnu og átti möguleika á að jafna og koma sér í góða stöðu fyrir síðustu tuttugu mínúturnar.
Bruno Fernandes fór á punktinn fyrir United en Caoimhin Kelleher varði spyrnu hans. Mathias Jensen gulltryggði síðan sigur Brentford undir lok leiks með frábæru marki fyrir utan teig.
???? - JUST IN!
— UF (@UtdFaithfuls) October 5, 2025
PGMOL boss Howard Webb has acknowledged to Man Utd that the decision to not send off Brentford's Nathan Collins last weekend was INCORRECT. [@MikeKeegan_DM]
This is painful because the game was 2-1 at the time, and United could've possibly gotten something from… pic.twitter.com/PZHCC86jzs
Athugasemdir
