KSÍ búið að óska eftir því við UEFA að stelpurnar leiki erlendis
Mynd: Jónína Guðbjörg Guðbjartsdóttir
Mynd: Jónína Guðbjörg Guðbjartsdóttir
KSÍ hefur óskað eftir því við UEFA að heimaleikur íslenska kvennalandsliðsins í umspilinu í febrúar á næsta ári verði leikinn erlendis vegna aðstöðuleysis hér á landi. Þetta staðfestir Klara Bjartmarz, framkvæmdastjóri KSÍ, við Morgunblaðið.
Hér á landi eru vellir sem uppfylla kröfur varðandi leikinn, þar á meðal Kópavogsvöllur. Hinsvegar er ekki völlur sem uppfyllir kröfur um flóðlýsingu.
Hér á landi eru vellir sem uppfylla kröfur varðandi leikinn, þar á meðal Kópavogsvöllur. Hinsvegar er ekki völlur sem uppfyllir kröfur um flóðlýsingu.
TENGT EFNI
Ísland getur spilað umspilið á Íslandi en hvað vilja þau?
„Eins og við vitum nær dagsbirta á Íslandi ekki langt í febrúar og leikurinn gæti væntanlega ekki hafist síðar en klukkan 14.00 sem er ekki sérstaklega góður leiktími á virkum degi. Íslenskir vellir eru opnir fyrir veðri og vindum, og þó þeir séu með undirhita þá eru ekki eiginlegar snjóbræðslur undir þeim og kerfin hafa ekki undan ef um mikla snjókomu er að ræða," segir Klara við Morgunblaðið.
Klara nefnir Tórsvöll, þjóðarvöll Færeyja, sem mögulegan leikstað. Hann er lokaður allan hringinn og veðrið í Færeyjum mögulega skárra á þessum árstíma. Hún telur þó líklegra að leikið verði sunnar og þar kemur Akademíuvöllur Manchester City til greina.
„En það verða alltaf geysileg vonbrigði að geta ekki spilað þennan leik á heimavelli við boðlegar aðstæður, með öllum þeim stuðningi sem heimaleik fylgir."
Klara nefnir Tórsvöll, þjóðarvöll Færeyja, sem mögulegan leikstað. Hann er lokaður allan hringinn og veðrið í Færeyjum mögulega skárra á þessum árstíma. Hún telur þó líklegra að leikið verði sunnar og þar kemur Akademíuvöllur Manchester City til greina.
„En það verða alltaf geysileg vonbrigði að geta ekki spilað þennan leik á heimavelli við boðlegar aðstæður, með öllum þeim stuðningi sem heimaleik fylgir."
Heimild: Morgunblaðið
Tórsvöllur í Færeyjum kemur til greina. Færeyingar kláruðu nýlega endurbætur á sínum þjóðarleikvangi sem er lokaður allan hringinn.
Mynd: Tórsvöllur
Akademíuvöllur Manchester City er þó líklegastur. Þar leikur kvennalið City en Ísland lék á vellinum á EM á síðasta ári.
Mynd: Getty Images
