Spánn: Rayo Vallecano í Evrópusæti

Rayo Vallecano er komið í Evrópusæti í spænsku deildinni eftir góðan sigur gegn Almeria í eina leik kvöldsins.

Liðin mættust í fjörugum leik þar sem nóg var um færi á báða bóga en nýtingin reyndist betri hjá heimamönnum, sem unnu 2-0.

Staðan var markalaus í leikhlé en brasilíski varnarmaðurinn Rodrigo Ely gerið fyrsta mark leiksins þegar hann varð svo ólánsamur að setja boltann í eigið net á 54. mínútu.

Tæpum tíu mínútum síðar tvöfaldaði Alvaro Garcia forystu Vallecano og bættust ekki fleiri mörk við leikinn. Lokatölur 2-0.

Vallecano er í fimmta sæti deildarinnar með 32 stig úr 20 leikjum. Almeria er í neðri hlutanum, þremur stigum frá fallsvæðinu.