Þýskaland: Hertha upp úr fallsæti

Hertha Berlin er komið upp úr fallsæti, liðið gerði það með þriggja marka heimasigri á Freiburg í dag.

Hertha átti tvo leiki til góða á liðin í kring þar sem leikjum var frestað vegna smits innan herbúða félagsins.

Annar þeirra var leikinn í dag og vannst öruggur sigur. Piatek og Pekarik skoruðu í fyrri hálfleik og Nemanja Radonjic innsiglaði sigurinn með marki á 85. mínútu.

Hertha er með þrjátíu stig eins og Werder og Arminia. Arminia er í fallsæti með lægstu markatöluna. Þrjár umferðir eru eftir en Hertha á einnig inni leik gegn botnliði Schalke.