Fotbolti.net
06.07.15 - 16:51
Elvar Geir Magnússon

Ásmundur hættur með Fylki (Staðfest)

Sauð upp úr í klefanum eftir tapið gegn ÍBV

Ásmundur Arnarsson er hættur hjá Fylki.

Ásmundur Arnarsson er hættur hjá Fylki.

Canon

Mynd: Fótbolti.net - Hafliði Breiðfjörð

Vefsíða Morgunblaðsins hefur birt tilkynningu frá knattspyrnudeild Fylkis en tilkynningin var ekki send til Fótbolta.net.

Þar er staðfest það sem við greindum frá fyrr í dag en Ásmundur Arnarsson hefur verið látinn taka pokann sinn hjá Fylki.
Ekki er talað um hver muni taka við en sagan segir að Hermann Hreiðarsson verði næsti þjálfari Árbæjarliðsins.

Fylkismenn steinlágu 4-0 gegn ÍBV í 8-liða úrslitum Borgunarbikarsins um helgina en samkvæmt heimildum Fótbolta.net sauð upp úr í klefa liðsins eftir leikinn. Ásgeir Börkur Ásgeirsson fyrirliði og Ólafur Geir Magnússon í meistaraflokksráði áttu þar hörð orðaskipti.

Árbæingar eru í 7. sæti í Pepsi-deildinni með 13 stig eftir 10 leiki en fyrir tímabilið var gefið út að stefnan væri sett á Evrópusæti.

Tilkynning frá Fylki:
Stjórn Knatt­spyrnu­deild­ar Fylk­is og Ásmund­ur Arn­ars­son hafa kom­ist að sam­komu­lagi um að Ásmund­ur láti af störf­um sem þjálf­ari mfl. Fylk­is frá og með deg­in­um í dag.

Fylk­ir vill þakka Ásmundi fyr­ir sam­starfið á und­an­förn­um árum og ósk­ar Ásmundi vel­geng­is í framtíðinni.

Ásmund­ur þakk­ar leik­mönn­um og stuðnings­mönn­um Fylk­is fyr­ir sam­starfið á und­an­förn­um árum og ósk­ar Fylki alls hins besta á kom­andi árum.
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.