Vilhjálmur Alvar í leiknum á laugardaginn.
Fjölnismenn voru afar svekktir með Vilhjálm Alvar Þórarinsson, dómara, eftir 2-1 tapið gegn Fylki í Pepsi Max-deildinni um helgina.
„Vilhjálmur Alvar er að mínu mati besti dómari Íslands en hann var eitthvað illa stilltur í þessum leik. Maður sér ekki oft svona frammistöðu frá honum. Hann var ekki einbeittur. Sem betur fer var hann ekki að eiga svona frammistöðu í alþjóðlegum leik þvi að þá hefði verið strikað yfir nafnið hans," sagði Elvar Geir Magnússon í Innkastinu.
„Fylkir kemst yfir úr víti sem er aldrei vítaspyrna. Síðan eiga Fjölnismenn að fá greinilega vítaspyrnu þegar er hendi á Valdimar Þór Ingimundarson. Þá dæmir hann ekkert. Dómgæslan hallaði verulega á Fjölni í þessum leik."
Einnig vakti athygli að Vilhjálmur Alvar flautaði leikinn af um leið og Fjölnir skoraði í lokin. Lengi vel vissi enginn hvort leikurinn fór 2-0 eða 2-1 en markið stóð og 2-1 lokatölur.
Sjá einnig:
Vissi enginn hvort mark Fjölnis taldi
Athugasemdir
