Forseti Eistlands brýtur blað með því að mæta á leikinn gegn Íslandi

Alar Karis, forseti Eistlands, mætir á Þjóðadeildarleik Eistlands og Íslands sem fram fer á A. Le Coq leikvangnum í Tallinn í kvöld.

Fjölmiðlar í Eistlandi greina frá því að Karis muni mæta ásamt eiginkonu sinni, Sirje Karis, og þetta verði í fyrsta sinn sem hann mætir á landsleik Eistlands síðan hann tók við sem forseti 2021.

Fyrir leikinn munu hjónin heimsækja eistneska fótboltasafnið og taka þátt í athöfn þar.