Valur að kaupa Tuma Fannar

Tumi Fannar Gunnarsson er á förum frá Fylki og á leið til Vals. Kristján Óli Sigurðsson greinir frá tíðindunum á X og rímar það við heimildir Fótbolta.net.

Tumi, sem er 21 árs gamall, er að upplagi miðjumaður en lék sömuleiðis í bakverði með Fylki í sumar. Hann gekk til liðs við Fylki frá Breiðabliki fyrir tímabilið eftir að hafa verið á láni í Árbænum árið áður.

Halldór Árnason tekur við Val að tímabilinu loknu og þekkir Tuma vel frá tíma þeirra saman hjá Breiðabliki. Tumi lék alls 20 leiki fyrir Breiðablik, þar af 18 undir stjórn Halldórs.

Samningur Tuma við Fylki rennur út eftir eitt ár og því þarf Valur að greiða fyrir leikmanninn til að fá hann úr Árbænum.