06.11.24 - 05:55
Jóhann Þór Hólmgrímsson
Evrópudeildin í dag - Sænsku meistararnir heimsækja Besiktas
Mynd: EPA
Mynd: EPA
Það er einn leikur á dagskrá í Evrópudeildinni í dag en það verður veisla á morgun þar sem 17 leikir verða á dagskrá.
Leikur dagsins fer fram í Tyrklandi þar sem heimamenn í Besiktas fá sænsku meistarana í Malmö í heimsókn.
Malmö varð sænskur meistari á dögunum en aðeins einn leikur er eftir af deildakeppninni í Svíþjóð. Liðið er með þrjú stig eftir þrjár umferðir í Evrópudeildinni.
Besiktas kemur inn í leik dagsins með tvo tapleiki í röð á bakinu í tyrknesku deildinni en liðið náði í sín fyrstu stig í Evrópudeildinni í síðustu umferð þegar liðið lagði Lyon af velli.
EUROPE: Europa League, League Stage15:30 Besiktas - Malmö
