Erling Haaland, leikmaður Dortmund, er ekki alvarlega meiddur eftir leik við Bayern Munchen í gær.
Edin Terzic, stjóri liðsins, staðfesti það eftir viðureignina en Haaland fór af velli í 4-2 tapi í risaslag.
Norðmaðurinn var bestur í liði gestanna en hann skoraði bæði mörk liðsins og fór svo af velli eftir um klukkutíma.
Haaland meiddist eftir viðskipti við Jerome Boateng en engar líkur eru á að hann verði lengi frá keppni.
Terzic segir að Haaland hafi verið í lagi í leikslok og ætti að vera klár fyrir næsta leik liðsins.
Haaland var í gær að skora sitt 19. mark í deildinni á tímabilinu.
Athugasemdir
