Aleksander Ceferin, forseti UEFA, segir að það sé ekki möguleiki á að Liverpool verði ekki enskur meistari á þessu tímabili.

Óvíst er hvort og hvenær tímabilið í Englandi heldur áfram vegna kórónuveirunnar en Liverpool er með 25 stiga forskot þegar níu umferðir eru eftir.

„Ég sé engan möguleika á að Liverpool fái ekki titilinn. Ef að deildin heldur áfram þá vinna þeir þetta nánast pottþétt. Þetta er ekki tölfræðilega öruggt en þetta er nánast klárt," sagði Ceferin í viðtali í heimalandi sínu Slóveníu.

„Ef að það verður ekki spilað áfram þá yrði nauðsynlegt að fá úrslit á einn eða annan hátt og ákveða hvernig úrslit í deildinni verða. Ég sé ekki annað í kortunum en að þetta verði Liverpool."

„Ég skil að stuðningsmenn þeirra verða vonsviknir ef þetta gerist á tómum leikvelli eða utan vallar en ég tel að þeir vinni titilinn á einn eða annan hátt."

STUÐNINGSSVEIT
FÓTBOLTA.NET

Hjálpaðu okkur að halda áfram

Þrátt fyrir að enginn fótbolti sé spilaður næstu vikurnar mun umfjöllun okkar halda áfram.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit