Fotbolti.net
07.05.15 - 12:42
Magnús Már Einarsson

Heiðar Helguson í SR (Staðfest)

Heiðar skrifar undir.

Heiðar skrifar undir.

Canon

Mynd: Instagram - Haraldur Árni Hróðmarsson

Heiðar Helguson hefur gengið til liðs við Skautafélag Reykjavíkur sem spilar í 4. deildinni í sumar.
Lið SR er að mestu skipað ungum leikmönnum úr Þrótti sem og nokkrum reyndari mönnum.

Heiðar hefur skrifað undir félagaskipti í SR og gæti komið við sögu með liðinu í sumar.

„Við erum mjög ánægðir með liðstyrkinn. Heiðar mun auka breiddina til muna,\" sagði Haraldur Árni Hróðmarsson annar af þjálfurum SR við Fótbolta.net í dag.

Heiðar er 37 ára gamall en hann spilaði síðast með Cardiff tímabilið 2012/2013.

Frá 1995 til 1997 spilaði Heiðar með Þrótti og hann þekkir því til í Laugardal. Hann spilaði síðar með Watford, Fulham, Bolton og QPR á Englandi.

SR spilar í D-riðli í 4. deildinni í sumar með Hvíta Riddaranum, Kríu, Vængjum Júpíters, Elliða, KB og Kormáki/Hvöt.
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.