Antonio Rudiger, leikmaður Chelsea, mun ræða við félagið um framtíðina eftir tímabilið.
Sky Sports greinir frá þessu en Rudiger hefur nýlega komið sterkur inn í byrjunarlið Thomas Tuchel.
Þjóðverjinn átti ekki fast sæti í liðinu undir stjórn Frank Lampard og var nálægt því að yfirgefa liðið í janúar.
Samningur Rudiger rennur út árið 2022 og hafa lið á borð við PSG og AC Milan sýnt honum áhuga.
Eftir að hafa fengið að spila síðustu mánuði eru líkur á að varnarmaðurinn framlengi.
Chelsea er komið í bæði úrslit Meistaradeildarinnar og úrslit bikarsins.
Athugasemdir
