Federico Valverde.
Fyrr í dag fjölluðum við um það ófremdarástand sem hefur ríkt hjá Real Madrid en rifrildi og slagsmál hafa verið daglegir viðburðir á æfingasvæðinu að undanförnu.
Greint var frá því að til handalögmála hafi komið milli tveggja af stjörnum liðsins; Aurelien Tchouameni og Fede Valverde.
Greint var frá því að til handalögmála hafi komið milli tveggja af stjörnum liðsins; Aurelien Tchouameni og Fede Valverde.
Marca hefur nú greint frá því að slagsmálin hafi endað á mun verri hátt en fyrst var talið og Valverde hafi farið á sjúkrahús.
Hnefarnir voru látnir tala og var Valverde blóðugur eftir átökin, sem áttu sér stað í búningsklefanum eftir æfingu í gær.
Stjórinn Alvaro Arbeloa boðaði til neyðarfundar eftir slagsmálin til að reyna að róa andrúmsloftið innan hópsins. Arbeloa virðist hafa litla stjórn á ástandinu en spænskir fjölmiðlar segja að sex leikmenn liðsins tali ekki við hann.
