Æfingaleikur: Breiðablik lagði Víking R.

Breiðablik og Víkingur R. mættust í æfingaleik í gær og fóru Blikar með sigur úr býtum.

Höskuldur Gunnlaugsson gerði eina mark leiksins úr vítaspyrnu á 15. mínútu.

Pepsi Max-deildin er í pásu vegna landsleikjahlés og er næsti leikur Víkings laugardaginn 14. september. Það er úrslitaleikur Mjólkurbikarsins gegn FH.

Breiðablik á næst heimaleik gegn Stjörnunni mánudaginn 16. september. Þar þurfa Blikar sigur til að eiga von um að stela toppsætinu af KR á lokasprettinum.