Fotbolti.net
08.02.21 - 17:53
Brynjar Ingi Erluson

Rúnar Már farinn frá Astana (Staðfest)

Rúnar Már er farinn frá Astana

Rúnar Már er farinn frá Astana

Canon

Mynd: Fótbolti.net - Hafliði Breiðfjörð

Íslenski landsliðsmaðurinn Rúnar Már Sigurjónsson hefur komist að samkomulagi við Astana um að rfita samningi sínum við félagið en þetta kemur fram í tilkynningu á heimasíðu Astana í dag.
Rúnar Már er þrítugur miðjumaður sem hefur leikið með Astana síðustu tvö árin.

Hann skoraði 13 mörk og lagði upp önnur 8 í 40 leikjum fyrir félagið en hann var einn besti maður liðsins og tókst að vinna deildina í Kasakstan árið 2019 og Ofurbikarinn ári síðar.

Rúnar hefur nú komist að samkomulagi við félagið um að rifta samningnunum og tilkynnti Astana það á heimasíðu sinni í dag.

Eins og kom fram á Fótbolti.net fyrr í dag er Rúnar á leið til rúmensku meistarana í CFR Cluj og mun hann ganga frá samningum við félagið á næstu dögum.

CFR Cluj hefur sex sinnum orðið meistari í Rúmeníu frá 2008 en liðið situr nú í 2. sæti rúmensku deildarinnar með 47 stig og á leik til góða á topplið Steaua Bucharest en Cluj getur komist á toppinn í kvöld með sigri.

Rúnar á 30 leiki að baki fyrir íslenska A-landliðið og hefur þá gert 1 mark en hann var í hópnum sem fór á Evrópumótið í Frakklandi árið 2016.
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.