„Þetta var erfiður leikur, þeir komu til að spila sinn leik sem er ekki að spila fótbolta. Þeir vildu vera í jörðinni að tefja og þeir skoruðu eitt mark. Þeir unnu og þá held ég að þeir eigi það skilið," sagði Alvaro Montejo, framherji Þórsara, eftir 0-1 tap gegn Vestra í kvöld.

Lestu um leikinn: Þór 0 -  1 Vestri

Leikurinn fékk lítið að fljóta í kvöld og var Alvaro spurður hvort það hefði haft mikil áhrif á sóknarleik heimamanna.

„Já. Alltaf þegar við fengum boltann voru þeir að brjóta og tefja leikinn. Dómarinn leyfði þeim það. Það var mjög erfitt að spila fótbolta í kvöld."

Þórsarar vildu fá vítaspyrnu í uppbótartíma þegar Jónas Björgvin á skot í hendi varnarmanns Vestra. Hvað fannst Alvaro um það?

„100% víti. En eins og ég segi þá var dómarinn ekki með okkur í dag og teymið leyfði Vestra að stöðva allar sóknir Þórsara með öllum leiðum. Það má segja að við höfum barist á móti öllu og unnum ekki."

Það var hiti í leikmannagöngunum eftir leik og Alvaro virtist vera miðjan í þeim hita. Hann var spurður út í hvað hefði gerst.

„Ekkert, bara orðaskipti. Þetta er bara fótbolti og varð ekkert meira," sagði Alvaro að lokum.

Viðtali í heild sinni má sjá hér að ofan.

STUÐNINGSSVEIT
FÓTBOLTA.NET

Okkur er full alvara!

Umfjöllun síðustu daga hefur Fótbolti.net sýnt að við ætlum að bæta í umfjöllun um fótbolta.

Okkur er full alvara með það!

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit