„Þetta var frekar lélegt," sagði Birkir Már Sævarsson, hægri bakvörður íslenska landsliðsins, eftir 6-0 tap gegn Sviss í Þjóðadeildinni í dag.
Lestu um leikinn: Sviss 6 - 0 Ísland
„Allt sem gat farið úrskeiðis fór úrskeiðis og þetta er mikill skellur."
„Liðið var alveg gírað en það gekk ekki sem við ætluðum að gera og þeir gengu á lagið. Síðan voru þetta domino áhrif."
Næsti leikur er strax á þriðjudaginn en þá koma Belgar í heimsókn í Þjóðadeildinni.
„Það er gott að fá leik eins fljótt og hægt er eftir svona skell. Þá getum við lagað það sem fór úrskeiðis og sýnt úr hverju við erum gerðir."
Hér að ofan má sjá viðtalið í heild.
Athugasemdir
