Byrjunarlið Liverpool og Chelsea: Mamardashvili snýr aftur - Colwill í vörn Chelsea

Georgíski markvörðurinn Giorgi Mamardashvili er snúinn aftur úr meiðslum og kemur beint í markið hjá Liverpool. Hinn 17 ára gamli Rio Ngumoha byrjar þá gegn sínum gömlu félögum.

Mohamed Salah er áfram fjarri góðu gamni, en þó er búist við að hann muni snúa aftur áður en tímabilinu lýkur. Alexander Isak, sem var ekki með gegn Manchester United í síðasta leik, er á bekknum.

Florian Wirtz er frá vegna veikinda.

Enski varnarmaðurinn Levi Colwill er að byrja sinn fyrsta leik á tímabilinu, en hann sleit krossband á undirbúningstímabilinu með Chelsea. Hann kom inn af bekknum gegn Nottingham Forest í síðustu umferð en fær nú tækifæri í byrjunarliðinu.

Filip Jörgensen er í markinu í stað Robert Sanchez.

Liverpool: Mamardashvili, Jones, Konate, van Dijk, Kerkez, Gravenberch, Mac Allister, Frimpong, Szoboszlai, Ngumoha, Gakpo

Chelsea: Jorgensen, Gusto, Fofana, Hato, Colwill, Cucurella, Andrey Santos, Caicedo, Fernandez, Palmer, Joao Pedro