Man City heldur pressunni á Arsenal í titilbaráttunni eftir góðan sigur á Brentford í dag.

Brentford byrjaði leikinn af miklum krafti. Þeir sköpuðu mikla hættu snemma leiks eftir langt innkast en Matheus Nunes náði að bjarga á síðustu stundu.

Man City sótti í sig veðrið og Erling Haaland fékk góð tækifæri til að koma liðinu yfir en það tókst ekki.

Kevin Schade var nálægt þvi að sleppa í gegn eftir 20 mínútna leik en hann féll í baráttunni við Matheus Nunes. Nunes náði örlítilli snertingu á boltann og slapp við refsingu.

Þá fékk Bernardo Silva gult spjald fyrir að gefa Nathan Collins olnbogaskot í fótinn meðan hann lá í jörðinni. VAR að það hafi ekki verið ástæða til að reka hann af velli.

Jeremy Doku kom Man City yfir eftir klukkutíma leik með góðu skoti í hornið. Doku hefur verið sjóðandi heitur að undanförnu en hann hefur komið að sex mörkum í síðustu fjórum leikjum.

Brentford vildi fá vítaspyrnu um tíu mínútum síðar þegar Nunes ýtti í Schade en ekkert dæmt.

Erling Haaland bætti öðru marki City stuttu síðar. Antoine Semenyo átti sendingu inn á teiginn og boltinn barst til Haaland sem skoraði af öryggi. Omar Marmoush innsiglaði sigur Man City í blálokin eftir sendingu frá Haaland.

Man City er í 2. sæti með 74 stig, tveimur stigum á eftir Arsenal þegar þrjár umferðir eru eftir. Brentford tapaði dýrmætum stigum í Evrópubaráttunni. Liðið er í 8. sæti með 51 stig, tveimur stigum á eftir Brighton en liðin eiga tvo leiki eftir.