Lestu um leikinn: Ísland 1 -  6 Spánn

Ísland tók á móti Spáni í lokaleiknum í riðlakeppni Evrópuþjóða sem eru að berjast um sæti á lokamóti HM.

Stelpurnar okkar voru einungis að spila upp á stoltið enda öruggar með þriðja sæti riðilsins, á meðan heimsmeistararnir frá Spáni þurftu sigur til að tryggja toppsætið. Sú varð raunin.

Ísland sá aldrei til sólar gegn ógnarsterkum andstæðingum og var staðan 0-3 í leikhlé. Vicky López, Edna Imade og Salma Paralluelo skoruðu mörkin.

López bætti öðru marki sínu við í upphafi síðari hálfleiks áður en Linda Líf Boama skoraði fánamark Íslands eftir vel útfærða skyndisókn á 58. mínútu. Karólína Lea Vilhjálmsdóttir gerði vel að vinna boltann og gefa frábæra sendingu á Lindu sem kláraði af mikilli fagmennsku.

Þær spænsku voru þó áfram betri og héldu áfram að nýta mistökin sem Ísland gerði í leiknum. Claudia Pina og Aitana Bonmati áttu báðar eftir að skora til að innsigla stórsigur. Lokatölur 1-6.

Spánn endar því á toppi riðilsins, England í öðru sæti, Ísland í þriðja og Úkraína að lokum í því fjórða.

   08.06.2026 16:49

Steini og Glódís fyrir Spánarleikinn: „Fórum í svona fokk it gír gegn Englandi og þurfum að vera ennþá betri núna“