þri 10. mars 2020 07:30
Brynjar Ingi Erluson
Rodgers: Barnes á bjarta framtíð
Mynd: Getty Images
„Jonny Evans var magnaður og enn eitt hreina lakið hjá okkur," sagði Brendan Rodgers með bros á vör eftir 4-0 sigur Leicester City á Aston Villa í gær.

Harvey Barnes og Jamie Vardy skoruðu báðir tvö mörk í þægilegum sigri á Villa en Rodgers var afar ánægður með framlag leikmanna sinna og þá sérstaklega Jonny Evans en hann var klettur í vörn heimamanna.

„Við vildum vinna og ég held að það hafi sést hversu lítið sjálfstraustið var hjá okkur í byrjun en eina leiðin til að byggja það er að leggja sig fram og það er nákvæmlega það sem leikmennirnir gerðu," sagði Rodgers.

„Barnes á bjarta framtíð. Hann er að verða betri og betri, er með ákefðina og hungrið til þess að koma sér inn í teig og skora. Ég er ánægður með hann og Vardy sem náðu báðir í tvö mörk," sagði hann í lokin.
Athugasemdir
banner
banner
banner