ESPN segir að vaxandi efasemdir séu um það hvort Ronald Koeman eigi að vera áfram með stjórnartaumana á næsta tímabili.

Eftir tap gegn Granada og markalaust jafntefli gegn Atletuco Madrid er sagt að innan stjórnar Barcelona séu skiptar skoðanir um það hvort Koeman eigi að halda áfram.

Barcelona er sem stendur í þriðja sæti í La Liga en liðið féll úr leik í 16-liða úrslitum Meistaradeildarinnar. Börsungar þurfa að vinna þá þrjá deildarleiki sem eftir eru og vonast til þess að Madrídarliðin misstígi sig.

Í morgun var Koeman spurður út í síðan stöðu en þar sagðist hann telja að hann yrði áfram á næsta tímabili.

„Ég sé fyrir mér að ég stýri Barcelona á næsta ári," sagði Koeman á fréttamnnafundi.

„Frá fyrsta degi hefur forsetinn sýnt mér stuðning og ég hef engar áhyggjur. Ég gerði tveggja ára samning og sé fyrir mér að ég verði áfram þjálfari Barcelona á næsta ári."

Tweet

Senda a Facebook Hafdu samband Senda frétt Prenta frétt Frétta leit