England í dag - Mikið undir í Lundúnum

Fjórir leikir eru á dagskrá í 36. umferð úrvalsdeildarinnar í dag.

Það er mikið undir þegar West Ham fær Arsenal í heimsókn. West Ham kemst, að minnsta kosti tímabundið, upp úr fallsæti með sigri en Arsenal nær fimm stiga forskoti á Man City en City á leik til góða.

Aston Villa getur farið ansi langt með að tryggja sér Meistaradeildarsæti með sigri á Burnley. Þá getur Crystal Palace endanlega bjargað sér frá falli með sigri á Everton sem getur blandað sér í Evrópubaráttu.

Þá mætast Forest og Newcastle sem eru ekki alveg örugg.