Kristian Nökkvi hefur verið sjóðandi heitur á síðustu mánuðum
Kristian Nökkvi Hlynsson skoraði tíunda deildarmark sitt fyrir Twente sem steig stórt skref í átt að Meistaradeild Evrópu í dag.
Landsliðsmaðurinn gerði þriðja mark Twente í 4-0 stórsigri á gömlu félögunum í Spörtu Rotterdam.
Hann hefur verið iðinn við kolann eftir áramót og var að gera tíunda deildarmarkið.
Twente er í 3. sæti hollensku úrvalsdeildarinnar með 58 stig, tveimur stigum meira en NEC Nijmegen þegar ein umferð er eftir, en þriðja sætið gefur farseðil í forkeppni Meistaradeildarinnar.
Nijmegen mætti einmitt Groningen á sama tíma í leik sem tapaðist, 2-1.
Bræðurnir Brynjólfur Andersen Willumsson og Willum Þór Willumsson voru á bekknum. Brynjólfur á bekknum hjá Groningen og Willum hjá Nijmegen, en fengu ekki tækifæri til að mætast.
Nijmegen er í 4. sæti með 56 stig en Groningen í 9. sæti með 45 stig.
Alfons Sampsted fór af velli í hálfleik í 4-1 tapi Go Ahead Eagles gegn PSV. Stefán Ingi Sigurðarson var einnig í byrjunarliðinu en honum var skipt af velli á 72. mínútu. Eagles eru í 12. sæti með 38 stig.
