Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
banner
   mán 10. júní 2019 11:51
Guðmundur Aðalsteinn Ásgeirsson
Tyrknesk stjórnvöld senda formlega kvörtun
Icelandair
Úr leik Tyrklands og Frakklands um síðastliðna helgi.
Úr leik Tyrklands og Frakklands um síðastliðna helgi.
Mynd: Getty Images
Stjórnvöld í Tyrklandi hafa sent kollegum sínum á Íslandi formlega kvörtun eftir það sem gerðist á Keflavíkurflugvelli í gærkvöldi.

Í samtali við Vísi staðfestir Sveinn H. Guðmarsson, upplýsingafulltrúi utanríkisráðuneytisins kvörtun frá sendiherra Tyrklands gagnvart Íslandi í Osló. Sveinn segir að málið sé til skoðunar hjá ráðuneytinu.

Utanríkisráðherra Tyrklands var ekki sáttur með það sem gerðist.

Tyrknesku landsliðsmennirnir voru ósáttir með það hversu lengi þeir þurftu að bíða á flugvellinum í gær. Þeir þurftu að fara í gegnum vegabréfaskoðun og öryggisleit þar sem þeir voru að koma frá óvottuðum flugvelli í Konya.

Aron Einar Gunnarsson, landsliðsfyrirliði, segir að íslenska landsliðið hafi þurft að fara í gegnum svipað ferli fyrir nokkrum árum þegar það kom frá Konya.

Víðir Reynisson, öryggisfulltrúi KSÍ, sagði í viðtali við Vísi að viðbrögð leikmanna Tyrklands um lengd á vegabréfaskoðun og öryggisleit hafi verið stórlega ýkt.

Leikmenn Tyrklands lýstu yfir óánægju sinni á samfélagsmiðlum og skapaði það mikla reiði á meðal stuðningsmanna. Þá er einnig mikil reiði vegna þess að einhver einstaklingur beindi þvottabursta að fyrirliða Tyrklands þegar hann var að ræða við fjölmiðlamenn í Leifsstöð.
Athugasemdir
banner
banner