Enska úrvalsdeildarfélagið Everton er að íhuga það að kaupa króatíska sóknartengiliðinn Nikola Vlasic aftur frá CSKA Moskvu en þetta kemur fram á rússneska miðlinum Championaat.
Vlasic er 23 ára gamall en hann kom til CSKA frá Everton á láni fyrir þremur árum og ákvað CSKA svo að kaupa hann í kjölfarið fyrir 15 milljónir punda.
Hann hefur skorað 33 mörk og lagt upp 20 í 103 leikjum fyrir CSKA og verið þeirra mikilvægasti leikmaður en hann gæti yfirgefið félagið í sumar.
Everton er með kaupréttinn á Vlasic og er að íhuga að fá hann aftur til Englands en mun þó ekki hefja viðræður fyrr en eftir Evrópumótið.
Vlasic er í króatíska landsliðshópnum og hefur náð að festa sig í sessi í byrjunarliðinu.
Athugasemdir