banner
   fim 10. júní 2021 06:00
Brynjar Ingi Erluson
L'Equipe: Mbappe reiður vegna ummæla Giroud
Kylian Mbappe var ekki sáttur
Kylian Mbappe var ekki sáttur
Mynd: EPA
Franski sóknarmaðurinn Kylian Mbappe var reiður yfir ummælum sem Olivier Giroud lét falla í viðtali eftir 3-0 sigur Frakklands á Búlgaríu á þriðjudag en þetta herma heimildir franska blaðsins L'Equipe.

Giroud kom inná sem varamaður fyrir Karim Benzema undir lok fyrri hálfleiks og tókst að skora tvö mörk í síðari hálfleiknum.

Framherjinn var þó ekki ánægður með aðstoðina sem hann fékk í leiknum en Mbappe var harðlega gagnrýndur eftir leikinn fyrir að senda ekki á Giroud.

Samkvæmt L'Equipe var Mbappe reiður yfir ummælum sem Giroud lét falla eftir leik en Giroud sagðist alltaf hafa farið í réttu hlaupin en sendingarnar bárust aldrei.

Mbappe vildi jafnvel ganga svo langt að vera með yfirlýsingu á blaðamannafundi eftir leik og útskýra mál sitt en það varð þó ekki að veruleika.
Athugasemdir
banner
banner
banner