Byrjunarlið Arsenal: Lánsmaðurinn frá Leverkusen byrjar

Klukkan 17:45 verður fyrri leikur Bayer Leverkusen og Arsenal í Meistaradeildinni. Veðbankar telja Arsenal sigurstranglegasta lið keppninnar.

Mikel Arteta stillir upp sínu sterkasta mögulega liði eftir að hafa hvílt menn í bikarsigrinum gegn Mansfield. Eberechi Eze er í holunni og Gabriel Martinelli vinstra megin. Miðvörðurinn William Saliba er klár í slaginn og byrjar og þá leiðir Viktor Gyökeres sóknarlínuna.

Kai Havertz sem er að mæta sínu fyrrum félagi er á bekknum en ekvadorski varnarmaðurinn Piero Hincapie, sem er hjá Arsenal á láni frá Leverkusen, byrjar leikinn. Í Meistaradeildinni og öðrum UEFA keppnum eru þær reglur að bannað sé að hindra lánsmenn í að spila gegn sér.

Hincapie var hluti af liði Leverkusen sem vann tvöfalt í Þýskalandi 2024. Hann kom til Arsenal á láni í september.

Byrjunarlið Bayer Leverkusen: Blaswich, Quansah, Andrich, Tapsoba, Poku, Palacios, Garcia, Grimaldo, Terrier, Maza, Kofane.

Byrjunarlið Arsenal: Raya, Timber, Saliba, Gabriel, Hincapie, Zubimendi, Rice, Eze, Saka, Martinelli, Gyökeres.

(Varamenn: Arrizabalaga, Ranson, Mosquera, White, Jesus, Norgaard, Madueke, Havertz, Calafiori, Lewis-Skelly, Dowman, Salmon)